終於等到啦!!

原本每個星期三就係update日﹐有冇消息就係呢日出.... 今個星期三冇料到﹐以為又繼續等﹐點知星期五.... 拗痕叫我得閒落去搞埋demo data d 嘢....兩個鐘後我落去.....佢行緊出黎﹐話打電話去CI.... 講完返黎就話搞掂咗 :D 終於﹐終於等到啦!! 應該好快吧, 佢下星期五最後一日.... 今個星期已經忙到連坐暖張凳嘅時間都冇,下個星期會更加忙死.... 仲有被新老細阻止我去training....睇黎我應該自動取消6月果個training... 再見我份hea工啦~~~~

懶訓+肥仔下個星期都分別開始新工啦﹐恭喜佢地﹐一齊努力吧~~ :D

食咗好多餐街嘢食﹐要食返多d生果先得!

欠弦嘅﹐好快會還!

近期大事

其實無乜大事....先後次序亂晒啦...

我終於報左稅﹐又改變左主意﹐結果都係選擇拎返d退稅....
諗住整個餅﹐結果整左5個石頭 :)
講左幾個月﹐終於去左做yoga.... 如果我可以一個星期去一次我諗都已經好好啦~~~
睇返以前d相﹐發覺自己殘左好多 (仲要激親yy :P)
買左禮物﹐唔該晒太陽幫我拎返去 :) 玩得開心d啦!
用拎飛做籍口﹐同佢地食左餐飯....唔知下次會係幾時呢?
我等緊嘅仲未等到﹐只係越黎越多人知﹐萬一等唔到我諗我真係要走...
樓下部MCE燒左...我救佢唔到﹐要揾人整啦~~~~
d油貴到去$1.20啦!! 我洗唔洗考慮下行去火車站?!
爹爹上左MSN! :D 我父母真係越黎越hi-tech...
喺公司繼續不停救火﹐喺屋企繼續無溝通 :)

d嘢幾時先會定落黎?

等等等

人地等人﹐我又等人地﹐跟住仲有人等我........ 幾時先有消息?再係咁落去..... 我走架啦!!!! 返香港又好﹐做欣宜又好﹐點都好過留係度遊雲﹐再耐d我真係乜鬥志都無晒...... 果日同阿媽+拗痕嘅對話真係笑死﹐唔係佢果副咁天真嘅樣我真係唔信樓上無人知我嘅事﹐連金魚佬都知點解阿媽可以咁遲頓乜都唔知架?!?!拗痕好嘢呀﹐講大話眼都唔"斬"下﹐間唔中望下我咁﹐你想我比咩反應你? lol

早排好多人生日﹐有經紀,靚妹,粉絲,衛蘭,哥...生日快樂!! 果日間餐廳好靚, d嘢食都唔差﹐係泊車遠左d啦..... 個蛋糕超似我地上堂學果個!! 我個靚d,呵呵呵!! 仲有仲有﹐恭喜Cheap精入到Rotman!!! 我地好快有個MBA朋友仔啦~~~~ :D

最後一次收政府嘅sales tax credit.....又一個提示我已經唔再後生.......

同yuiyuiyui廢up嘅2010大計﹐哈哈﹐你得嘅幾會大過我啦! 但係﹐我地嘅打賭is still ON, MSN 記錄係唔會delete嘅!

今個weekend真係要"的"起心肝-瑜珈!! 我真係越黎越肥啦.......... !!!!!!

有古巨基飛啦﹐今個weekend去拎 :)

理性>感性

人越大就越感受得多﹐以前好多唔明唔覺嘅野﹐而家無啦啦可以好有感受﹐甚至"毛管動".....

之前兩個星期無update﹐循例嘅報告就唔寫啦﹐係爹爹返左黎又走左。。。同埋好多同車有關嘅事情啦~ 另外就係facebook嘅friends for sale addiction。。。

湊巧今次嘅感受都係同上一篇同一個source﹐做戲嘛﹐總係比真實跨大左﹐但係就係放大左呢﹐先令呢個遲鈍嘅我明白/感受到送出黎既訊息。。。老實講﹐係有少少"被拋下"嘅感覺。。。我無怪任可人或事﹐因為都係自己嘅選擇﹐我要做/唔做d乜﹐只有我自己想先會發生。。。有時會諗自己係唔係太過理性呢? 點解係心入面嘅衝動每次都可以制止到﹐望住電視劇主角簡直覺得佢將我所有想做又唔敢做嘅事做晒出黎! 好似幫我發洩左我自己嘅情緒一樣! 可能d人覺得主角好低b﹐其實成套劇都好無聊﹐但係偏偏又另我聯想到自己﹐點解人地可以個心行先﹐偏偏我從來都係個腦行先﹐仲要好似連個心都無咁。。。已經唔係第一個人話我感覺遲頓甚至冷血﹐又或者﹐我真係應該學下點表達自己﹐其實有時比人知道自己嘅感覺都應該唔係壞事掛?究竟﹐我驚d乜?!

好似以前果2x年都無真正成長過...個腦而家先黎發育﹐我真係慢左人好多拍﹐而家先黎發覺﹐人地一早已經知道﹐了解﹐學習完﹐我先啱啱起步咁﹐相信要急起直追吧~