多謝余生!

知我鐘意，特登上網買比我😘

仲有肥妹!記得我愛，幫我換咗一隻!

愛死你哋😍😍😍

聖誕快樂!

開始多D埋身餵，但又係一個挑戰，因為小朋友好冇耐性，奶樽當然快好多嘛!所以又要習慣囉。。。

小朋友開始扭計，個個話要教但個個都係咁抱!包括陪月呀，激死!話你聽抱得最少係我同爸爸啦，唉。。。

今年聖誕夠晒特別，被困家中又多咗個小魔怪😈

BB過咗12朝啦!

名已改好，叫Cyrus😊

磅數合格，唔洗再去健康院／醫院

食奶習慣開始定，同埋食得好快!

可以叫做上軌道吧!

星期五做冬D老人家見到佢都好開心

下個目標，戒夜奶!

小朋友個樣，日日都唔同!

終於放鬆返D

冇經驗冇人幫手湊newborn真喺會癲㗎!

我諗我早幾日個樣真係嚇襯身邊嘅人。

好感恩有個咁肯幫手同照顧我嘅老公，我深信唔係個個老公都肯晚晚幫老婆煲薑水，抹身，吹頭，同搽白籣地、一個男人去買bra同m巾、9點先放工仲撲去長沙灣買奶粉、BB入咗院大家都擔心又累佢仲有心機tum我怕我有情緒病。如果唔係佢我諗我真係會產後抑鬱。。。

仲有我覺得我哋超級好彩，工人姐姐好好，有耐性，鐘意BB，有經驗，又聽話。聽人哋講十個有九個都要踢返走，你話我哋幾好彩!

陪月嚟咗好好多，好多我哋唔諗到嘅問題佢都幫我哋解決咗。終於有得訓，終於可以放鬆D，終於似返個人。。。

希望小朋友生生性性，陪月走之後我都搞得掂啦!

一關比一關難過

先是懷孕嘅轉變，再有生產的痛楚，生完咩，又有情緒要照顧，當然仲要擔心一個差D嚴重黃膽嘅BB，生完一個禮拜都冇就已經出出入入醫院無數次，累到想死!

小朋友，求你乖乖哋食返好D，爸爸聽日返工我真係唔知我頂唔頂得順。。。

17小時地獄式減肥!

話說前日去德福食brunch，食完去uniqlo買褸比maria姐姐，仲去診所排隊打flu shot，點知。。。

喺uniqlo feel到有D唔妥，去厠所check仲以為冇事，仲再去piago想買hamachi!但喺piago又feel到唔妥，都係嗱嗱臨返屋企先。。。

到屋企水又多咗，再打電話問清楚（thx gan and mrs liu!）就決定拎嘢去醫院!

去到養和就baba聲喇。。。喺收症室訓咗個幾鐘就入產房!

由大概3點到12點都冇乜contraction，悶爆，乜電視汁都撈晒，狂whatsapp人!滴咗10個鐘催生水都冇料到，開得嗰3度。。。我仲食咗個鮮茄牛肉飯，比姑娘話未見過人喺產房咁好胃口，叫我唔好食咁多:P

到零晨應該有5至6度，開始痛死，開始典嚟典去，余生問我打唔打針我都用唔到腦諗嘢，結果就叫咗醫生嚟救命：）一打完就有7至8度，姑娘話我放鬆咗所以又開多D。。。佢哋見咁夜又打咗針，就停咗催生藥由得我哋訓，等聽朝再搏鬥。。。成晚就係咁訓下醒下，每隔一個鐘痛又加藥。。。食咗2啖蛋糕之後嘔，唔敢再食啦，但就勁口渴，不停飲水，一路到6點幾。。。

終於等到生得!我哋2個都已經半死狀態。。。先嚟要Push!都盡咗力㗎啦，醫生用個吸盤幫手，終於搞掂出世，有6磅7!Hello Yu BB:) BB好似爸爸!

而我哋，就升級做爸爸媽媽啦!要加油努力!

余BB有7磅😱

典算?!

真係嚟料啦，醫生話產道已經放得落2隻手指—即係2度

好大機會下星期殺到埋身!

而家諗緊下星期好唔好wfh.....

頭先喺醫院有個上海媽媽同我傾計，佢同佢家人都好nice,仲提我食少D甜嘢，唔好比BB大過8磅呢!

BB又有禮物，多謝nana姨姨!

未做媽媽先做mum

Maria姐姐今日到!

今個禮拜冇人係屋企，都唔知點安置佢好。。。

bunbun個樣都幾善良，不過頓頓哋，哈哈!

余小朋友baby shower

多謝呢班可愛嘅女人悉心安排：）

我冇叫其他人因為屋企細，同埋都係當12月聚會啦!

余小朋友，有咁多姨姨錫你，要乖乖唔好咁早出嚟呀!

廖太湊B補習班

非常感激廖媽媽為我哋準備同補課

我哋喺護協上咗一半咋，冇學沖涼餵奶。。。

沖涼好複雜!!打仗一樣，典算：S

餵奶OK啦，希望搞得掂!

Happy Belated Pho!

節目有Lunch加K

Lunch嘅服務真係麻麻哋，sorry呢!

K好好玩，有超好味拿破倫，好多「金曲」，長城background房！

希望你生日快樂!

提早出閘?!

今朝唔知醒，遲到睇醫生。。。

事原有人零晨五點幾起身食杯麺!之後要我拍先醒

Anyways, 見完醫生有人心情低落，哈哈哈!因為醫生將預產期改前咗5日!余小朋友已經有5磅11安士，個頭落到幾低下。。。由原本可能係除夕BB變咗做平安夜B!仲有2個星期就足月即37周，醫生仲話睇下下次喺診所定產房見!

我哋連衫都未洗，所以準爸爸開始擔心，嘻!

我?梗係開心啦，early settlement喎!

之後同緊去䕶協作最後衝刺!張清單算係買齊啦!去余爺爺屋企又搵到好多和尚袍，聽日要努力洗曬所有BB衫!

多謝你陪我哋買嘢呀，冇你都唔知點算!仲有禮物，D被同毛巾好有用，件衫好靚!

而家仲爭床單。。。

呀，同呀爹講咗會早，佢都話唔好同呀媽講，怕佢緊張唔去越南，嘻!

Happy Birthday Kingsley!

Born on thanksgiving day, such a special baby!

Yuiyui ho ging, so happy for u :)

處理自己日

包括做facial同剪頭髮

應該係余小朋友出世前最後一次啦

剪短咗頭髮!

呀，余小朋友有closet啦!佢個櫃筒送咗嚟，可以開始洗衫喇!

Congratulations to Mr & Mrs Ku!

一個非常甜嘅婚禮

一對新人型爆

場地好有風格，簽名畫好有心思，佈置好特別，仲有別出心栽嘅小禮物!

雖然落住毛毛雨但係氣氛好感人:)

嘢食好好食，侍應好好比杯蘋果汁我當酒同新人祝酒

仲好多明星靚人!

完美的婚禮，祝C&S幸福快樂!

比車撞

好last minute先arrange到去剪頭髮，因為早上要開門比娟姐抹屋加等薑醋送貨。。。咁揸車出去剪啦。。。都未出到尖沙咀，喺條穚度塞車，停咗喺穚上面，冇啦啦「啪」一聲!

仲以為爆吠嗰D，望下旁鏡，後面架電單車同司機訓咗喺地下!!!

個司機傻下傻下我哋停咗車佢都撞埋嚟囉。。。

即刻落車睇佢有冇事，跟住去傾賠償呀，佢要叫拖車呀，同我哋去車行「驗傷」同打價呀咁，結果佢賠咗3千蚊了事。。。

當然剪唔到頭髮，只好打道回府準備去c&s嘅wedding dinner，唉!唔知係佢唔好彩定我哋唔好彩啦!

薑醋

三十斤!!!

會唔會食到過年都未食完㗎?! :S

UW Alumni Dinner

係上星期六嘅事

發覺我哋好多朋友都係爸爸媽媽，真係大啦。。。

出血

繼續買買買

同余家姑媽買薑醋煲

買膠櫃筒比余小朋友

Yoga mat

點解買極都未買完㗎?!

呀，間屋租咗出去啦，我哋會有家xx鄰居，12月開始!

Skyfall

007呀!

星期五睇嘅，唔錯

玩懷舊，賣老餅，好經典!

讓座

話說星期四約咗朋友仔去德福見

見有時間就搭shuttle+地鐵

我同好多人一樣都係自閉族，企埋一邊玩電話

突然有人拍我，指一指對面排位，原來有位太太起咗身想讓座比我!

諗都冇諗過呢！余小朋友係明顯但唔係大啦！

嗯，香港都仲有好心人:)

出血周末

做咗產檢，余小朋友有4磅啦!
去咗講座，都幾有用


買買買

放濕機（有D因為我咳）
暖爐
海味

仲有好多嘢未買呀，要執多D空位放小朋友嘢啦!

媽媽袋!

終於失守

有咗余小朋友咁耐未嘔過

尋晚食得太飽，之後食藥「續」親，加上咳緊，竟然嘔咗!

不過之後好似好D，雖然好難訓著，但訓著後一覺訓天光!

唔好笑，對上一次係一個禮拜前。。。你話余生幾慘，連續一個禮拜比我嘈到冇得訓!

打敗仗

咳到甩肺

已經第五日啦：（

覺得好對唔住余bb,佢旅行完返嚟冇停過，日日過山車。。。

都好對唔住余生，冇覺好訓仲要擔心我又車我去醫院睇醫生。。。

希望快D好返啦。。。

關島

好玩!冇青島咁累:)

去前作病，去到好返!但返到嚟又咳:S

食咗拉麵，牛扒，老麥，漢堡包，意粉，buffet

玩咗游水，沙灘，余機師揸飛機，kmart, dfs, abc store, 同最重要嘅周氏伉儷婚禮!

恭喜加多謝，余小朋友出世前最後一個旅行，好特別，好多笑料，好開心:)

30分鐘護協血拼

3點半先去到，人哋4點就關門

超多人超迫

原本諗住淨睇唔買，做research，點知。。。

收獲有：
托腹帶
哺乳／舒壓枕
棉花棒
脫脂棉
奶樽4個
奶樽刷
奶樽鉗
指甲鉗
棉花球
擦巾
尿片

盛惠一千大元(around)!

仲未買完㗎!下次早D去。。。

超靚景

尋晚偷雞過咗去睇，呀仔間房簡直無敵!

我都想住嗰邊

真係傾家蕩產都值!

倒立

余小朋友調咗頭啦!

風水樓?

隔離座都唔差掛:P

多謝提供資料嘅nana

就嚟7個月

自從喺青島返嚟之後，痾咗幾日之後，余小朋友比之前更活躍!日夜不分咁踢，搞到我冇覺好訓!

小朋友，等我去完關島先發力變大啦：）

呀，我可以開始清胎毒，今日食咗一舊仔西瓜，正!

多謝C姐姐!

收到個bib啦!超可愛：D

青島

去咗飲
去咗啤酒廠
去咗嶗山
仲食咗好多嘢

余BB第一個旅行呀!

Iphone5!

Had it for abt 5 hrs... And sold! :)

Selling under heavy rainstorm without umbrella, so troublesome, hehee but earn jor $$$$