聲沙

2個幾月大嘅人仔都聲沙! 應該係喊得太多，哈!

揾到新方法比佢瞓，趴喺梳化上面，好得呀!喊少咗就瞓著：）

多謝余生同事件李小龍衫，型呀!

烏鴉口

果頭話開始穩定，今日就比親愛的奶奶激死!

去健康院爭住抱都算啦，我樣衰啫，見醫生姑娘個個都問邊個係呀媽。。。

返到屋企小朋友扭眼瞓死要抱佢瞓!我都話咗由佢喊到瞓㗎啦，出晒聲係佢面前講到明都當我冇到!個仔你定我㗎?佢喊我好開心我唔心痛咩?上星期忍咗成個禮拜比你一抱前功盡廢啦，唉。。。

就連健康院D小冊子都教唔好抱啦，唔係我唔錫小朋友呀!

余生，我話你呀媽唔聽，一係你搞掂佢，一係佢唔好再過嚟!!!

我不配做媽媽

因為，湊仔竟然令到我有白頭髮!

返工做到半條人命都冇事，哈!

我都係返返工算。。。

新年

因為小朋友，D長老不停要飲茶食飯。其實我一D都唔介意，我在意嘅係有人拎住小朋友同自己父母連續幾日過海出街食飯，仲要食到好夜搞到小朋友時間亂晒都覺得冇嘢，但我話過海去姑媽屋企食就話遠，咩道理?結果我到初七先同我父母食晚飯，好唔公平囉!

趁今個星期婆婆嫲嫲唔過嚟，幫小朋友戒奶咀，成功幫佢搵到新朋友—紗巾!同埋較好瞓覺模式，唔再日頭瞓晒夜晚唔瞓，而家喊多數都係肚風或者眼瞓，穩定咗好多！希望下個星期D婆婆嫲嫲唔好教返壞佢啦!

新髪型

十幾年未有過短頭髪啦，仲要係十幾年來最漲爆嘅時候先嚟剪短!冇咩特別原因，只係想新年前剪個髪，就搞成咁。。。都好嘅，冇咁悶：）

終於食到smiles yogurt!果然係好味：）

Growth spurts

小朋友又嚟啦，不停扭計，食量驚人。。。

早兩日食咗保嬰丹好D，但只維持到1日，唉。。。

好在夜晚餵飽佢都肯瞓，算幸運吧!

今曰創新高，130ml!仲要已經有D埋身餵咗啦：）