無聊

我話過會講震震scrub用後感 - here it is...

第一只用無睇instructions又低估咗佢嘅威力﹐起勢咁scrub.... 結果應該係有效 - 唔肯定係心理作用定係事實﹐d印好似淺色咗﹐但係覺得皮膚"鞋"咗 ><~ 於是又起勢咁落serum/cream.... 希望有救!

第二次又以為自己好醒啦﹐教低個震震速度﹐結果覺得無乜料到.... "JEEEEEE"咗成5分鐘都無泡泡....

第三次終於識用 - 而且係第三次﹐我都幾肯定係有用﹐foundation搽少咗 :)

不過繼續爆瘡﹐所以去完吸塵facial塊面一樣紅得好緊要 ><~ "的"起心肝抹咗張書台+keyboard﹐希望會有幫咗啦.....
講咗咁耐我講緊呢舊嘢: http://rejuvenator.neutrogena.ca/

星期日就係抹台啦﹐整個新IP Phone﹐但係我唔明﹐點解加多舊嘢落router之前個IP Phone會死?! 拗爆頭都唔明﹐d燈係著嘅﹐偏偏個死人router就係睇唔到個舊IP Phone插著咗..... 而家搞到新同舊嘅IP Phone都無得用﹐因為媽媽話新果個用咗上唔到網喎﹐開始懷疑個router係唔係又比我玩死咗...... 第三個架啦~~~~~

6點去到VC屋企﹐當然我係最早... 等人哋媽媽回家我就過咗去放底個喼 - 唔該晒你幫我搬屋 :) 仲有d頭飾﹐希望會襯啦﹐咁就慳好多時間唔洗再去揾! 因為落雨關係今晚由BBQ轉咗做生蠔+壽司... 仲有菜"saap"菜 - 大姐ming話我saap嘅菜太硬 :P d男仔唔夠飽.... 但係無人肯去買消夜 lol 多咗個8婆group... 變態同鄺太係咁講買樓﹐我哋係咁8某婆媳不和事件 XDDDDD

喺公司計續無聊﹐ scan晒d煮餸notes.... 悶到開始rebuild個universe.... 呢舊嘅刵我砌咗2年架啦﹐所以一pat嘢咁﹐得我明 :P 其實都好嘅﹐ 做靚個universe先走﹐佢哋會執我手尾執得舒服d.......

賣廣告

有嘢賣, 之後陸續有黎~~~~~

星期五
拎返隻介指啦﹐終於啱size :P 同肥仔揀佢要買嘅介指﹐同個sales玩估級數遊戲﹐佢教我點洗t&co嘅東東~ 之後食日本嘢 - 燒蛋餅﹐好好味~~ :) 返屋企順便drop by穎穎屋企還HD + 嗲兩句﹐同佢哋講咗我走啦﹐不過佢哋一月應該唔會嚟 - 穎要返學嘛~

星期六
執喼 - 食lunch - 睇laughing哥結局 - 做吸塵facial - 食dinner - 影相 - 賣家當 - 沖涼 - 等電話....
我就覺得幾productive喇 :P

星期日
過咗再講

靜咗兩日

去咗揾工同賣家當 :)

無啦啦嘁起條筋去咗個未去過嘅揾工site﹐setup咗個profile﹐就起勢咁報工..... 其實都唔係好期待會有回應 - 果日新地都話個市好靜﹐finance更靜! 報咗起碼比個交代自己﹐我唔係乜都無做﹐連cover letter都寫埋﹐我只能夠做到咁多.....

早排開始已經揾嘢賣架啦﹐不過呢兩日D forum無啦啦熱鬧咗好多﹐所以又忙下覆買家email﹐資料搜集﹐講下價咁....

都仲有"煲" blog架... 不過少咗d羅 :P 拎咗d Laughing哥返公司分享﹐哈哈﹐你哋productivity跌唔好賴我! 早兩日好低能咁shift+del咗一套未睇嘅劇 ><~ 而家努力re-download緊......

仲有近排同阿毛+VC嘅Daily MSN Conference﹐睇佢地兩個嗌交好搞笑﹐多咗個消遣 lol 要多謝阿毛為我哋個wedding咁上心﹐喺咁比ideas我哋點decorate個hall﹐d相好有用吖~~~ 返到香港可以去睇吓材料~

講開呢樣﹐新地同L-mo都話會黎﹐好開心 :D

我哋又release啦﹐今年都過咗唔夠三個月.... 就算當係有三個月喇﹐我哋已經做咗5個release...... 好明顯好唔掂﹐到今時今日都仲揾到古代bug..... @@"

無皇管嘅日子就完結啦﹐下個星期老細返.... 希望會忙d啦 :)

今個weekend有人生日﹐生日快樂 :) 等我返香港再慶祝啦~

我就今晚去拎返隻介指﹐聽日執喼+做面﹐仲要等個等咗成個禮拜嘅電話﹐你話你會29號打嚟架!後日去VC度食飯...

我終於試咗...

係﹐超背嘅我終於走咗去食hero burger﹐感覺 - 都係漢堡一個﹐真係好食d咩? 可能太太太耐無食過漢堡﹐已經唔記得咗漢堡飽嘅味道啦..... 食薯條當然要狂點茄汁﹐對唔住懶訓你有被唧茄汁陰影我仲喺正你面前狂唧﹐食茄汁多過食薯條 :P

我就嚟悶到發顛... 早兩個禮拜開始已經做埋樓上d嘢﹐而家做到無嘢可以再做.... 尋日走咗過隔離team搞咗人哋兩個鐘﹐仲做埋阿四.... 今日﹐上埋youtube﹐睇人d blog睇返到2007年嘅entries.... 我仲有咩可以做?!?!??!??! 揾人救救我吖唔該..........

比某人炳到七彩之後﹐終於有菜單﹐無啦啦好令令做乜X要有個古古力布丁?! 九唔搭八...... 呢個係我唯一"唔明"啦﹐其他都ok﹐有荷葉飯有伊麵 - 我鐘意 :D 但係比人潑冷水話我都無機會食架啦... 咁﹐我唔理﹐我要食翅!!!!!!

註: 近排興講 "我唔明呢......" <-- 呢個代表投訴﹐代表搞風搞雨﹐代表篤人背脊 :D 對住胡鬚佬萬試萬靈 - 有冤情不妨試下﹐極力推介~~~~~

開始研究點declare non-residence.... 好X多問題... @@" 我留幾多件衫係加拿大都關政府事?!?! 拗爆頭.... 唔做又唔得....... 政府果然有佢嘅辦法令人不停咁交稅.......

a busy weekend

喺公司繼續悶...... 繼續做自己嘢﹐聽歌﹐聽903 - 好耐無聽.....

Weekend就好productive喇...

星期五放工去咗trader佰佰個爹爹嘅喪禮... 見佢都平靜, 希望佢好快可以收拾心情繼續生活... 第一次去鬼鬼式喪禮﹐都唔知要做乜﹐好彩去到見到醫姐姐﹐見佢做乜跟住做啦~ 出返停車場就見到大部份同事啱啱到﹐傾咗兩句就走 - 去大懵華買嘢飲... 有個阿姐喺堆茶度磨咗好耐... 之後見我起勢咁執菊花茶 (多得lur lur要我幫佢上倉!!)﹐就用好流利+無口音嘅廣東話問我喺咪好飲? 我心諗﹐你幾十歲人真係無飲過維他菊花茶?! 跟住再加句普通同蜂蜜有咩分別.... 我真係好想答佢我無乜時間同你搭訕.... :P 有另一個怪現象﹐就係媽媽星期二開始到星期五晚都喺屋企食飯!! 真係好唔慣... 以為佢連續三晚喺屋企今晚點都會出去啦啩... 佢打嚟問我幾點返果陣我都忍唔住問咗句點解你仲喺屋企食飯.... :S 夜晚試咗毛毛介紹嘅neutrogena震震scrub... 因為喪禮而改咗facial所以可以試啦﹐幾好玩啵~ 不過有無效要一個禮拜先知﹐到時話你聽吓~

星期六出咗成日街.... 同媽媽去甜道 - 算係蜜汁西瓜唯一嘅糖水鋪吧~ 但係我哋係去食早餐嘅~ 之後出去FMP出機票﹐個阿嬸好串 - 我話我reserve咗機位黎比錢﹐佢就吓?我... 講多兩句就話﹐哦~~~嚟出機票吓話..... 算﹐唔理你﹐同媽媽傾計... 佢搞完一大輪就print晒d嘢比我﹐咁我話可唔可以email比我﹐佢就答我﹐呢個係e-ticket嚟架啦你要email做乜? 鬼唔知咩﹐我要softcopy呀阿嬸!! 講咗好耐佢先明﹐係我中文差定同佢有代溝?! :S 之後一路逛一路等titi拎喼比我... 十萬個感激你幫我拎嘢返香港﹐幫我拎返個喼返嚟仲特登出嚟比返我~~~~~!!! 呢個喼之後會再交比人哋媽媽再返多次香港 :D 喺FMP逛見到牆 - 賣藥﹐同埋日喺度周圍逛等牆 :P 去swarovski睇tiera﹐媽媽有折﹐可以諗諗佢 wakakkakaa 媽媽都係鐘意鬼鬼裙多過中國人裙﹐所以我哋去咗yorkdale..... 邊個話recession架?!?!?!? 差d連車位都無得泊啵~ 佢鐘意果條同屋企果條好似!! 佢自己決定啦﹐又唔係我著..... 之後又去咗大懵華呀﹐買生果.... 再洗埋車先打道回府..... 累!!! 餅咭status進展緊架啦﹐雅閣好高竇﹐得9折.... 要麻煩auntie去出面果d餅鋪攞料﹐之後再決定吧~ 仲要多謝你借紅白藍比我搬屋 :)

星期日當然要喺屋企hea飽佢....!!! 有人好努力咁update咗個budget﹐我睇到個未完成嘅estimate已經O晒嘴﹐60萬 ><~ 重點係﹐仲有好多"項目"未有價錢 - 即係呢個數只會有加無減.... 恭喜自己﹐可以即刻去申請破產啦! 呢個estimate推動我去快d file個稅﹐幫得幾多得幾多吧~ 加紙呀加紙﹐爭氣d升多d啦唔該~~~~ 睇咗好多戲 - slumpdog millionaire, 游龍戲鳳﹐家有喜事2009﹐愛情左右... 有d係weeknight睇咗一半今日再睇埋嘅..... slumpdog無字幕所以聽d差差英文聽得好辛苦﹐但係好緊張﹐好睇!!! 游龍/愛情無乜特別﹐睇人多過睇戲﹐家就好經典 - 1x年前嘅搞笑方式﹐都鐘意丫~ 爭扎咗好耐去唔去yoga﹐結果都去咗﹐今次唔同instructor﹐做嘅series有d唔同﹐特別tiring! 早沖涼 -> 早食飯 -> 1030訓鬼咗 :P

台灣相都幾麻煩﹐人不在台灣又點同你傾呢? 比咗個電話叫佢打嚟但係成晚無收到電話/電郵﹐唔知佢會唔會唔so我哋呢....

我認我係大頭蝦

聽到有機位就book... book完先醒起要人接機 :P

好採之前果日有位﹐咁我而家11號走啦~

好悶﹐大老細放假我真係坐喺度發毛! 做咗好多自己嘢﹐包括影相research﹐non-residence research﹐食食食.... etc.... 同埋好無聊咁打中文blog....

個個都叫我放半年假結咗婚先再揾工..... 真係好咩?????

比人擺咗上檯做籍口去K.... 你自己走先過我啦~ 我哋farewell你去K就差唔多 :P

唔係話要讚自己

不過真係唔可以否認﹐我係快手啵~~~~ :P

話咁快就book咗機票喇﹐同兩個老細講咗﹐等佢哋OK我今個weekend就去碌張單程機票返嚟架啦~~~

所以呢﹐我又多一個日子要選佈啦﹐今次係

七月十二號

咁so far就有...

May 20 拆牙箍
Jun 10 洗牙
Jul 12 飛
Jan 16 結

黎緊應該仲會有 last day, 影相, 過大禮 (唉... 無得避... ).... 大件事應該係咁多啦掛....

幾個月前唔見咗條做咗幾日嘅query﹐都覺得會出事架啦﹐果然今日老細放假就要我嘔返d數出嚟..... 鬼記得咩.... 可以想象聽日有好多jennnyyyyyyyyy出現..... @@"

我終於可以講

係16號架喇﹐唔會再變啦... 朋友仔可以計劃你哋嘅vacation啦 :)

星期五諗住食完飯去買菊花茶﹐點知我隻錶未較鐘 - 想去果時先知遲咗成個鐘 :P 跟住又係va屋企門口傾咗成個鐘﹐哈哈﹐多謝你餐飯 - 快d比個機會我請返你啦!!!

星期六改戒指﹐比人抄牌 - 到而家都唔明點解果度唔泊得車﹐個牌明明話泊得 @@" 試裙試咗3個鐘﹐超累!! yuiyui你嫁得啦﹐你條裙超啱你 - 好yuiyui :D 掙隻戒指 - 我幫你催下王生啦﹐我留返我下個carribean旅行比你吓~~ 我嘛﹐知知哋咩啱我啦﹐返香港先算...

好喇﹐酒席訂咗跟住要搞乜呢.... ? 我諗我要訂機票啦.....

OHOHOH...
- 我d RRSP轉咗出黎啦~~~~
- 終於同老細講咗同問咗reference letter啦~~~~~

同時間鬥快

星期三/四我返翻工老細就出trip﹐真好﹐得得閒閒﹐打下電話去問機票價錢.... :) 但係又有問題啦﹐好貴 - peak season走所以好貴 - 鬼叫我d date restrictions同人哋d學生一樣咩.... btw我唔係教書﹐只係6月中先洗牙﹐9月先走又太遲.... 所以而家不停問緊價﹐睇吓邊間平d..... 仲要同老細講呢﹐等酒籍firm咗就要講啦﹐數數吓得返3-4個月咋....

Hyatt比嘅死線就到﹐但都仲未finalize細節... HK星期五朝先收到contract﹐我就夜晚對對對﹐將兩間酒店嘅offer逐行對﹐睇吓有咩地方可以講價.... 咁當然講果個就唔係我啦 kekekeee.. 就係咁對對對﹐搞到我第二朝唔識起身﹐好彩有morning call :D 今日惡哥哥生日﹐又有免費午餐 - 順便可以研究講價結果.... 都仲有問號﹐點好呢???? Go Train又加價啦......... 乜唔係recession咩?!?!?! 雪上加霜... 無良商人!!

今晚同我嘅伴娘食飯 - 好開心應承幫我呀~~~~ :)
聽日同個姊妹睇婚紗 - 好開心你咁忙都陪我 :)

karma

我人生第一次因為唔想返工而請病假.... 結果仲忙果係office..... :S

話說今朝唔知醒﹐咁當然都有少少唔舒服 - 上星期耳仔痛到而家都始終覺得有d唔妥.... 好啦﹐決定抖一抖﹐同老細講唔舒服想睇返自己個大夫﹐所以work from home.... 諗住check完email返房訓多陣啦﹐點知....

尋晚d trades去唔到book of record.... 都幾大鑊... 仲要得我哋係咁咋啵..... 結果成日就係度貼膠布﹐呢個report唔work?得得得﹐manually做過比你﹐果個report唔啱?得﹐又run過比你..... 最慘係margin... 用book of record係有原因架嘛﹐如果我哋自己係計到果d數﹐就唔洗晚晚用個batch system去做 - 我哋自己做啦... 我已經做到8成似﹐你都仲要彈三彈四... :S 最後到4點先收貨... 仲有咩用呢﹐都收市啦..... 其實好多呢d嘢以前都做過﹐但係偏偏樓上班人就係"唔識啵﹐點做架?"咁嘅態度﹐咁你可以點?又幫佢做埋囉....

咁你話係唔係karma? 呢個故事教訓我哋﹐無必要唔好亂請病假﹐要付出架!!!

最後係4點幾先去睇醫生﹐醫生話我有pressure on ear drums所以先會有好似有嘢撞耳仔嘅感覺.... 佢講完我又覺啵﹐但係用唔用個spray我仲諗緊﹐而家又唔係唔舒服﹐唔用又得咁.....

我又唔記得拎yoga mat出街 - 結果浪費咗今日呢個咁好嘅幾會去做yoga...... 我嘅意志力真係比以前底咗好多﹐以前邊會比自己咁多籍口唔meet target架? ><~

酒席update - 一係intercontinental一係hyatt... interconn太太太貴啦﹐擺個酒 = 比個首期﹐我哋又唔係咩名人有錢人﹐屈就下啦﹐得hyatt有位之嘛~ 聽日應該會有結果﹐星期日應該會落訂~ 日子? 仲係講緊16架﹐希望唔會變啦~

wait wait wait....

i transferred my rrsp to webroker...
i claims $1k+ of medical expenses....
but i'm still waiting for the money to show up in my accounts......

cad is so low mom is moving her HKD to CAD..... but i want it the other way around :(

someone is working hard on convincing his dad about hyatt shatin, we shall see..... weds or fri... a decision will have to be made before the next wedding expo.....

was flipping maz while waiting for the potential guitar buyer yesterday..... and i saw this dress....
duno if i will look good in a style like this le.... ?

btw, didn't sell the guitar... and i turned down someone who really wanted it... all of a sudden don't feel like selling.. maybe i should really keep it.....

spent the weekend doing work..... ended up it was a small fix.... @@" talking in person is much easier and straight forward than explaining things through email!

ohoh, last friday - first time ever leaving work before 530 not for dentist or cooking!! that's because we had an annual clean up on the floor..... so they vacuum the floor once a year.. haha how clean, but i bet they still do not vacuum the stupid carpets ON THE WALL! :P

太多日子添

一方面好慶幸唔洗我搞酒席嘅事﹐又無經驗又無唔喺香港又無意見又唔想做reserach;另一方面就覺得好無安全感﹐無control﹐人話乜就乜﹐少少自己嘅想法都無得提出...

我最擔心嘅係佢哋唔清楚我d客人嘅availability﹐只係顧佢哋自己果邊嘅人... 我已經唔多朋友架啦﹐所以好想就到就就囉.... 好感激我d朋友仔都好好﹐肯為佢哋嘅挑剔而去盡量就佢哋嘅選擇﹐但係我都好唔好意思啦嘛... 而家又唔係無場地﹐只係唔係你嘅top choice啫,妥協一吓唔算過份吧﹖

呢個只係開始.... @@" 唔敢想像如果我爹爹媽媽要參與會係點﹐十萬個感激爹爹媽媽放手唔理~ 我知你哋都會想知搞成點﹐但係你哋都好有耐性唔問唔插手﹐大家都無講出口﹐但係都知道你哋唔理嘅原因 - 講真﹐真係好感動~

而家只希望快d落實﹐我係一個要control嘅人﹐要我坐喺度聽你日日新鮮日日刺激嘅update﹐感覺一d都唔好受....

又一個日子

呢個係我甩難 - 唔洗再做怪獸珊嘅日子.....

五月二十號 - 拆牙箍!!!!!

d未知之素一個一個踢走﹐感覺好爽 :D

工呀工﹐快d黎啦....

人哋爹爹﹐捨得落決定未呢? :)
==========================

兩個恭喜

- 牆+日 訂婚之喜~ 好浪漫嘅求婚﹐但係好肚餓 :P
- 聰明女 有BB之喜 - 五個月都唔見肚.... 食多d嘢啦 :P

有日子啦~

有三個: Dec 19, Jan 16, Jan 23

要就我哋嘅重要人物.... 最好就16號啦.....

而家就希望有場地﹐如果係順利嘅話就係16號架啦~

王經理﹐拜託啦~ :)