小孩趣事

昨晚我買了糖水回家，見達哥也很乖，分了一點給他。他吃完後還再舔著匙羹我們也沒理他，怎料他突然拿起匙羹說:媽媽！不用洗啦！ 哈哈，傻小孩把匙羹舔得乾乾淨淨啦！

今朝婆婆在家同Mei Mei 玩，抱著她唱歌，搖下搖下。見她手上仍有本書仔，似看著但不動。。。再👀下，完來瞓左，哈哈！(只是起床後兩小時內的事呀！) 工人姐姐回來開門，她又跳起身玩

超級缺乏足夠睡眠呀！！然後轉頭又再睡了！完全是個派對動物！！

終於

希望這次是真的、終極的解脫

事源係星期四我早咗少少返屋企，入屋達哥同嫲嫲已經沖緊涼，我媽喺廳。咁我過我媽度飲湯。飲完返去廁所好噪，我地入去就聽到個仔發脾4話我好嬲你呀！跟住嫲嫲話我夠好嬲你囉！然後嫲嫲開門出嚟成身濕哂，個仔仲喺拎住花灑沖住水。嫲嫲行開咗我入去搞個仔，哦到佢暈，點可以用花灑射人！ 搞掂出去嫲嫲走咗

之後食完飯工人話應該唔係第一次，佢話嫲嫲成日唔當場改正個仔，呢d嘢唔鬧都一定要即時同佢講下次唔可以。

跟住第二晚我食完飯過我媽度飲湯，返返屋企余生就話嫲嫲話以後唔湊個仔

余生呢兩日成日鬧仔話佢曳嫲嫲唔理佢。我都忍唔住話其實嫲嫲有份令到呢件事發生囉。

三年，足足忍咗三年終於守得雲開。而家要舖定後路堵截某人反口吃回頭草。