懶惰媽媽

小朋友做咗和尚仔。。。佢爹爹係要剃佢個頭冇辦法啦，不過光咗頭幾得意 :D 仲有終於買咗BB車啦，有帶過佢落公園一次，吸吓新鮮空氣，不過小朋友瞓咗。。。

我哋已經為農歷新年做好準備，儲定糧比小朋友！阿雀又幫我哋留奶粉，我又打去美素訂。。。而家屋企有12罐！應該安全啦掛。。。不過呢隻奶粉令到小朋友好多痰，飲咗水，食埋猴棗末都唔係好得！煩腦。。。余生又唔係好贊成換奶粉。。。

小朋友真係大得好快，個半月人仔用緊三個月嘅奶咀飲奶啦！早排轉樽同咀佢都好快就適應-叻！！晚上同佢玩吓遊戲先瞓：放塊紗巾喺佢面上，佢識得自己拎開㗎！放佢趴喺大脾上面佢有會嘗試扒過大脾㗎！夜晚嗰覺有時會瞓5個半鐘，真係冇得投訴:)

我呢，逢2，4都會出吓街。。。因為呢兩日奶奶都喺度，對住成日都唔知講乜好:P 早排蘋果減價買咗好多野-媽媽要ipad，余生要macair，我又要lighting adapter...買買買，呢幾日差唔多日日有貨送！今日走咗去return d減價前買嘅貨，順便去誠品打個轉。當然唔少得飲返杯天仁，嘻嘻！又忍唔住手買咗本書，我竟然買媽媽書！！！！希望會睇得完啦。。。

早兩日返咗公司呀，拎bonus信！比人話我係hea媽媽:P 幼稚園又唔報，日頭又唔洗喂奶換片，成日都出街，哈哈哈！有人幫手梗係用盡佢啦！希望嫲嫲婆婆走咗之後都ok，咁我就早D返工！我完全明白同接受我絕對唔係湊仔婆嗰隻囉:P

啱啱知道多一個朋友仔有咗，恭喜呀！！超級開心，又多一個朋友一齊分享做媽媽嘅經驗喇！:D

家爛度

余生又發作啦!

試咗放小朋友喺隻蕉上面，好得意：）

呀，佢有10磅啦!

轉咗medela pump，supply多咗! 最髙紀錄95ml!

肥仔

Passport相，成個波咁!

仲有，今日第一次pump多過1oz!

我要澄清，呀仔咁肥唔關我事，係D奶粉：P

拆禮物

終於拎到nano sim card，部iphone放咗2個幾禮拜終於可以用!

飲咗波波茶—開心!

成個下午就係sync部電話：）

之後要再貼過保護貼同買叉電呀!

尋日同小朋友影嘅passport相有得拎啦!小朋友成個波咁，好好笑!

放監!

今日去拎出世紙，之後去䕶協

去得䕶協當然食澳牛!但太多人所以買外賣，一樣好味!:D

之後午餐係元氣，呵呵呵!2隻帶子!!

下午有好多人探B，多謝Anna!對唔住冇乜同你傾計，下次要catch up!仲有班女人，咁有心嚟搵我，過埋農曆年應該可以自由出街㗎啦!

滿月啦!

完全體驗到BB生命力有幾強

余小朋友喺失職媽媽嘅折磨下都過到一個月，不得不佩服!

相信我嘅惡夢而家先開始，已決定要返夜更，小朋友希望你唔好蝦媽媽，同埋要快高長大!

鼻屎BB

屋企多塵，佢又多痰，所以超多鼻屎。

尋日塞到訓唔到食唔到tim，真陰公!今日撩咗出嚟成粒棉花棒頭咁大粒，仲要硬嘅!睇見都覺慘。。。

呢位小朋友超為食，好似金魚唔識飽=.=轉咗3安半都冇2個星期，而家已經唔夠要4安!D奶粉多多都唔夠。。。

仲有2日就滿月，余爺爺已經急不及待訂咗蛋糕!超興奮=.=

Happy 2013!

在餵奶中渡過:P

雀加女友嚟咗睇B同倒數，順便送貨，哈哈哈!

新年快樂!