係形容我嘅工作﹐個市係一場仗 - 而我就只有不停挨罵/單單打打... 人哋心情唔好嘛﹐忙嘛﹐當然我做乜都唔夠好唔夠快.... 再加上第二場仗同時進行 - 個database... 又係唔係直接關我事架﹐你樓上有成team人有個manager全部存在嘅原因就係個site﹐但係要鬧都係鬧我嘅.... 已經無出去食lunch... 晚晚跑到去搭火車... 每晚返都屋企真係累死.... 好想唔食嘢唔沖涼就係咁攤屍.... 所以我話打仗... 呢兩場仗都未完架﹐聽日再開戰!! (加上旁邊仲有好多暗箭啦 - 電話﹐飛﹐上堂留底清潔人哋d嘢﹐托嘢食對手痛咗3日﹐數之不盡.... )
講d開心d嘅嘢吖~ 我5日之內收到3個訂婚嘅消息呀~~~!! 最先係綠Van啦﹐上篇講咗﹐跟住係鄰居醫姐姐﹐最後係第二最愛﹐我哋個個都就一早知架啦﹐係早幾日official啫... 再睇埋佢哋求婚video﹐真係開心﹐麻煩咗cc試咗好多方法先比到我... :) 恭喜恭喜同恭喜﹐祝你哋三對都開開心心啦~~~ (仲有﹐生日快樂2nd luv!)
喺FB又揾返多一個失散多年嘅朋友仔... 好勤力嘅朋友仔 - 一路返工一路讀法律﹐聽聞原來我哋中學都好多人做入professional field... 期待聖誕節再見佢 :)
星期五收到張好正嘅coupon - 去pharmaplus買5+蚊嘢有5蚊discount! 我買咗好幾次啦﹐呵呵~~
星期六係家務日﹐洗衫﹐清潔﹐洗碗﹐仲去咗買餸整埋d意粉(而家先知原來芝士好貴架! 我買40蚊嘢有15蚊係芝士!!)﹐結果整咗兩大盤! 要揾人要先得..... 有人喺台灣酒店有internet﹐有得傾兩句咁啦....
星期日送晒d意粉出去啦﹐送埋部電腦.... 得返兩個無盒嘅hd﹐想買返兩個盒﹐但係都唔平噃...... 點算好? 仲有個db好煩... 原本都唔想理﹐但係後來有客投訴﹐咁我就出聲啦﹐結果比人話我好出聲 - 其實我都知你係為我好嘅..... 我應該多謝你啩..... 但係﹐有時我真係唔識判斷乜嘢係我應該/唔應該做.... 呢個位一d都唔好坐... 以前開心d... :( 之後去咗做yoga.... 我要嚴重地減肥+控制食乜... !!!
終於睇家好月圓﹐好噪﹐好刺耳﹐點解d人話好睇架?!
ohoh﹐今個月有3張paycheque.... 可以儲多d錢 :)
No comments:
Post a Comment