我終於試咗...

係﹐超背嘅我終於走咗去食hero burger﹐感覺 - 都係漢堡一個﹐真係好食d咩? 可能太太太耐無食過漢堡﹐已經唔記得咗漢堡飽嘅味道啦..... 食薯條當然要狂點茄汁﹐對唔住懶訓你有被唧茄汁陰影我仲喺正你面前狂唧﹐食茄汁多過食薯條 :P

我就嚟悶到發顛... 早兩個禮拜開始已經做埋樓上d嘢﹐而家做到無嘢可以再做.... 尋日走咗過隔離team搞咗人哋兩個鐘﹐仲做埋阿四.... 今日﹐上埋youtube﹐睇人d blog睇返到2007年嘅entries.... 我仲有咩可以做?!?!??!??! 揾人救救我吖唔該..........

比某人炳到七彩之後﹐終於有菜單﹐無啦啦好令令做乜X要有個古古力布丁?! 九唔搭八...... 呢個係我唯一"唔明"啦﹐其他都ok﹐有荷葉飯有伊麵 - 我鐘意 :D 但係比人潑冷水話我都無機會食架啦... 咁﹐我唔理﹐我要食翅!!!!!!

註: 近排興講 "我唔明呢......" <-- 呢個代表投訴﹐代表搞風搞雨﹐代表篤人背脊 :D 對住胡鬚佬萬試萬靈 - 有冤情不妨試下﹐極力推介~~~~~

開始研究點declare non-residence.... 好X多問題... @@" 我留幾多件衫係加拿大都關政府事?!?! 拗爆頭.... 唔做又唔得....... 政府果然有佢嘅辦法令人不停咁交稅.......