有人返咗嚟

星期四晚係屋企執執執 - 執包伏.... 唔見咗個被袋﹐揾餐懵揾到差唔多成點都搵唔到 :( 較好鬧鐘先訓﹐點知班機delay﹐ 點解? 因為架機有人發燒 - 要等醫護人員搞掂個發消人之後其他人先可以落機... 好心啦﹐病就咪鬼上機啦﹐而家d 咁敏感嘅時候﹐搏上報紙比人隔離咩?? 結果當然係我喺機場呆企一個鐘再遲到返工﹐不過佢哋都唔係好理我架啦﹐只要有時果陣我坐定定比佢哋鬧就夠.... 不過好忙﹐忙幫人﹐忙等老細比時間我落決定﹐再忙交低d嘢比樓上做﹐結果要va落嚟車我﹐之後去大懵華買嘢飲﹐等yuiyui打電話嚟 - 佢又等我哋打比佢..... 結果搞到8點先有得食 :P 之後呢﹐去咗VC屋企hea一hea有出返去bbt... 各位多倫多嘅兄弟姊妹都見過面啦﹐sorry yuiyui佢哋成晚當你醫生咁問問題﹐又搞到你咁夜﹐唔好意思 :)

星期六開始我一星期暴食馬拉松...... 晨早起身去金鳳食個早餐﹐之後去我屋企拎個passport﹐然後落buffalo.... 人哋爹爹去視察業務 - target, walmart, etc.... 之後又食 - cheesecake factory﹐當然要行下A&F果d.... 有人好熱心促進經濟﹐其他人就recession心情 :) 返到markham都黃昏lu.... 小公主個胃超大﹐由起身到返到屋企佢個口未停過(咬嘢食)!! d jetlag人啦啦聲去訓﹐結果有人踢都唔醒﹐得我同人哋爹爹媽媽十點幾去食晚飯 - 食咗個好難食嘅晚飯!! 見識到大陸人嘅style :P

星期日去新城市食早餐 - 小公主都有嚟..... d大陸風又出現﹐叫個早餐都可以差d嗌交 @@" 之後再食﹐去龍騰同姑媽飲茶﹐姑媽瘦咗.... 都係傾星期四d嘢啦﹐之後去downtown睇condo﹐話要睇吓人哋d裝修喎....... 得個sales office之嘛﹐都無實物睇..... 去咗downtown大懵華 - 有人要玩個新嘅shopping basket﹐原來香港未有 :) 夜晚就同dimensions食飯.... 太陽出現﹐哈哈﹐我哋兩個都以為佢話唔得閒嚟......

星期一算係遲咗d d起身-8點 :P 入咗沙架同媽媽飲茶﹐小公主同我哋一齊去! 飲完又返出去lu... 搞埋阿丈d花籃﹐又去tnt﹐買咗條魚返屋企食飯﹐auntie個湯好正 :P

星期二又飲茶﹐都係龍騰﹐我對上果三年夾埋都無飲過咁多茶@@" 佢哋去拜阿丈﹐我回家.... 搞掂就去咗vaughn shopping﹐同買barbie囉... 之後睇屋﹐睇變態同大姐ming各自嘅新屋 :) lur lur都買咗屋﹐不過遠d...... 之後去咗M爸爸個restaurant食飯﹐因為太餓嘅關係我又食到好飽....

星期三繼續飲茶﹐轉咗地方﹐但都係食果d嘢啦﹐d表s嚟咗嘛.... 終於見到"霆峰"表哥同二表姐... 小公主爹爹話大表似陳奕迅 :P 飲完茶轉個頭又食lunch - 同貓/牆/titi食上海嘢....... 有人食飽又訓﹐我悶到login返公司聊人傾計 :P 八到台灣佬有interview hahahaaa.... 祝佢好運! 人哋訓醒去咗costco買朱古力﹐再同小公主太嫲食生日飯 - 又一個好滿足!

星期四再嚟今鳳早餐 - 食咗個大嘢 :P 有人繼續食飽就訓﹐我又悶死..... 訓醒去markville﹐換好衫再食個late tea - 強記街邊腸粉好味 :) - 就起程去送阿丈..... 嘗試去跟住讀個金剛經﹐但實再太太快啦﹐又國語﹐得個睇字﹐同埋睇唔明....... uncle個speech好touching﹐我都流咗眼淚.... 姑丈我唔係識咗好耐﹐亦都無乜見面﹐但係我完全感受到佢係大家心中有幾重要.... 個個都好唔捨得佢..... 儀式完咗去南園食消夜﹐係﹐又食 XP

星期五要好早﹐所以係屋企食兩啖粥就出咗去喇.... 都有繼續讀經﹐希望姑丈安息.... 火葬場同變態新屋好近﹐又有警察開路﹐所以無迷路... 食完解穢酒要用"look"柚葉水沖涼喎..... 跟住有客人﹐車埋姑媽去派利是之後又去食﹐uncle叫咗個10人餐﹐我哋明明係7個+小公主.....結果又係十萬個滿足﹐飯麵連上都費事﹐直接打包 - 哈哈! 未食完呀﹐再要去飲波波茶﹐好揀唔揀要個木瓜鮮奶 - 繼續滿足 :P 多謝阿毛~

星期六又係早啦﹐車佢哋去機場嘛... 人哋爹爹比低嘢我做信差﹐好在我今晚都出去啫..... 今次到我訓﹐返到屋企換見衫就訓著咗.... 之後原來好大雨﹐落埋冰﹐所以遲咗起飛.... 訓醒就追返我d劇同bt :P 仲有洗衫﹐淨係好想hea........... 不過都要出街﹐dimensions bbq變咗韓烤..... 我被列為老餅堆 :S 佢哋仲去K呀﹐我買個雪糕就打道回府啦~

星期日媽媽節﹐係房hea到成點先出嚟 :P 有人jetlag係咁打電話比我 哈哈! 做下d admin嘢啦﹐搞下財政啦.... 5點九就去sushi tei食嘢 - 都要等位!! 食完去大懵華 - 你估我撞到邊個??? 係JOY!!!!!! 佢靚女咗 :) 返屋企望下個日曆﹐數數吓得返9個星期咋! 話多唔多話少唔少﹐我真係要的起個心肝搞搞要走嘅事情....... 住咗十幾年﹐話唔捨得就假嘅!