懶

好耐無update﹐partly因為同老細做咗鄰居 - 大搖大擺係office hour打中文又真係好似好過份咁 :P

耐唔耐都會同聰明笨人傾吓計﹐但係今次好開心﹐有人計劃緊求婚﹐戒指都買咗啦~ 等你好消息﹐最好過咗年尾先結啦﹐唔係就一定去唔到飲你果餐架啦~~~

星期六又去咗唱歌﹐以為自己好醒12點幾打去book房﹐但已經爆晒﹐結果都係去返同一間.... :S

星期日終於"的"起個心肝去yoga.... 爛咗個風筒 ><~ 阿FAY結婚﹐新娘好靚女﹐好襯 - 一樣好高 hahahaha.... 被編咗去同d元老人物坐﹐悶死..... 成個dinner都係speech.... 阿牆個未婚妻笑得好大聲囉 :S 返到屋企又沖涼﹐今次爛咗個刷牙杯... 激死....

星期一開始坐新位﹐明明以為有corner office﹐點知大大個老細坐咗喺度﹐佢改變主意嘅結果就係同我做鄰居 :S 好在佢日又meeting夜又meeting﹐我今日都出出入入.... 相處時間唔算多....... 開始聽hkreporter個電台﹐都唔錯吖﹐有podcast好方便 :)

星期二一大早就計計計﹐學計mortgage... 需然唔係我供(暫時)但都要知.... 隨口問下May姨識唔識人有興趣我份工﹐完來佢有 :P 結果佢apply咗﹐我同老細講咗﹐佢應該有得in.... 我又多口同阿琪講﹐結果比佢話我堆May姨去死.....我覺得啦﹐你唔鐘意唔代表人哋唔鐘意﹐你哋平日點踩PB我都唔理﹐仲會同你哋一齊踩﹐但係而家講緊係我份工 - 我都係人﹐你係咪話緊我自己自殺先做呢份工?份份工都有好有唔好架啦﹐又唔見得你果份係perfect﹐慘得過我份工又高人工啫﹐你value嘅唔代表全世界都應同&vice versa﹐講嘢太盡對方唔好受囉.... 不過﹐都係我錯﹐唔同佢講就無機會難受啦﹐right? 加紙對港紙好高呀﹐幫va換咗美金(今個星期六去buffalo)﹐再扣埋人情戶口得返$14.09 :S 放工去買個風筒﹐不過唔記得買牙線...... 講開牙線而家食嘢仲慘過有牙箍囉﹐d大牙同大牙中間好大個gap﹐食乜都攝晒落去﹐仲要越咬就攝得越落﹐擲住牙肉 - 痛死....... 夜晚又有support風雲﹐明知未fix好就望實d d jobs啦呀IT Manager.........

星期四開始screen applications﹐佢哋一路睇就一路問﹐究竟replace我易d定replace阿邊個易d :P 我話要揾就唔該要無狗﹐唔要white washed﹐佢哋話我多要求, haha, 咁咪replace我囉! XP 爹爹話係銀行比人偷銀包... 家下d賊真大膽........ PB仲係日日死呀 (see? I dis the site too! but that doesn't mean my job sucks).... 人哋個老細﹐可否盡下責任幫下手呢? 幫May姨搭咗路去見胡鬚佬份工﹐唔知佢鐘意邊份多d呢?

星期五朝有兩個好消息: 爹爹d證件返返嚟 :) + 香港有agent想同我傾計! 同肥仔食lunch去咗食 seafood fondue :) 今晚又要做support﹐我都比人鬧話我做乜仲做﹐當你明知唔做嘅後果係點而你又有能力去避開呢個後果﹐你真係可以放手唔做咩? 對唔住我真係做唔出﹐所以我會不停咁做﹐再不停咁投訴.... 人就係咁矛盾..... 人哋個老細話多謝我做咗佢d嘢.. 叫我"name your price"... 我恨不得答佢... 不如你做返你自己份工吖?! 小公主媽媽請我去小公主生日會﹐睇下聽日揾唔揾到禮物比佢啦!

星期六係buffalo..... 早早起身﹐星期六8點算早吧~ 首先去outlet﹐無乜特別﹐係有間juicy鋪囉﹐不過好貴﹐行到餓就去咗IHOP食嘢﹐va仔介紹嘅 - 唔錯呀﹐難怪你咁鐘意 :) 之後去galleria﹐買晒我要買嘅東東﹐好開心a&f件紅色silk top有減價又有我size﹐上次見到已經好愛不過90蚊真係買唔起..... 而家30 :D 晚餐又係cheesecake factory﹐亦都係食完個餐食唔落個餅..... 過關無打稅﹐d嘢買得好平 :P 搞足一日.... 多謝M生做司機 :)

星期日執執執﹐又掉咗好多嘢﹐呢排訓練到自己好狠心﹐以前好多唔捨得嘅都掉晒~~~~ 有去yoga... 仲有個HR call.... 好神秘咁﹐我就乜都要講佢就乜都唔講得﹐o wells.... details到有眉目先講啦!


星期一到May姨見我份工﹐好傾計喎﹐我老細就係咁 :P 加埋佢果見籌款西裝褸 (比人加料加到好好笑) 點正經喎... 我諗正經果part應該係阿PBFX負責.... 早咗放工去行街街 - 幫人買泳褲 + 小公主生日禮物... 結果自己又買﹐買衫又買書, 財散人安樂 ! :P 不過唔記得咗gift receipts... 死蠢.....

星期二一早活得很滋味話同女朋友散咗.... 因為宗教信仰... 唉﹐又係呢個爛籍口.... 都拍咗咁多年啦﹐呢個問題第一日就知﹐點解要到而家先話唔得? 我唔係christian我唔明佢點諗﹐但係我真係覺得好可惜....... lunch time利用公司資源包禮物 :P 唔覺意聽到老細們原來問咗果樓上兩隻要唔我我份工.... 當然﹐FLCB有興趣﹐瘦靚妹睬佢都傻 :P 即管睇下點....... 老細同May姨講話我淨係想走﹐對﹐我就係想走 :P