星期日 7月12日我到咗香港... 無得返轉頭啦...
香港好熱好熱﹐... 一離開機場就溶咗... :S
第一件事回家沖涼﹐係麥當當食個tea (有kitty公仔換! 又令我諗起佢哋...) 然後夜晚去同爹爹/姑媽食飯... 我哋唔識路﹐行咗成個北角先揾到間酒樓 - 熱死咗 :(! 晚飯好味﹐ 不過我唔記得帶媽要嘅文件﹐結果要爹跟我哋返嚟﹐簽完﹐再車返佢去姑媽度... jetlag? 我反應遲頓架嘛﹐聽日啦聽日會架啦 :P 成功上到網 - 有人唔知自己個network password係乜..... @@
星期一
人哋要返工﹐我都有 - 阿四呢份工... 執餐懵﹐真係無位放我d垃圾... lunch係美心﹐
成個下午都係執嘢+ID精英+903... 4點幾頂唔順眠咗一眠﹐結果原本諗住去apm食dinner變咗係附近食 :P 之後買咗個龜靈膏﹐比我想像中無咁苦... 都話jetlag有delay架啦.... 夜晚同各界人仕報平安....佢哋話jennyshare仲在生... 唔通無delete我? (發夢中 :P) 臨訓前比阿琪"DING~~~~!!!!" 唔好再要我喊啦好嘛?:) 有jetlag都頂到12點先訓﹐算係咁啦啩! 呀﹐約咗新地星期三食lunch!
星期二
6點未到就醒﹐係咁迫自己唔好起身... 結果捱到7點就起咗.... 繼續阿四﹐食個老麥做lunch因為要幫米奇換隻海盜kitty... 我個鼻好唔掂﹐第二日咋﹐就嚟甩咁﹐點捱到我死? 同米奇傾咗陣計﹐佢聽日放假女朋友生日﹐好掛住佢哋d故仔﹐同佢哋做嘢幾煩幾討厭嘅事都可以變得有趣 :) 有agent揾我﹐約咗星期四見面﹐祝我好運吧~ 仲有多謝台灣佬彈咗兩個posting比我, hehee... 今日jetlag好咗﹐6點半先去眠 :P 8 點去收樓 - 對我嚟講係去睇屋﹐好企理 - 日本人果然係日本人 :D 廳+2房都望住中環﹐無嘢遮住﹐好靚:) 食完飯又返歸... 龜靈膏排毒好勁 :P 裝skype唔記得password (有口話人無口話自己:P) 今晚差d﹐11點就頂唔順去咗眠....
星期三
訓完又訓﹐訓完再訓... 呆呆哋.... 同新地食lunch﹐買咗maz... 比人instruct要買嘅.... 我都唔知點開始d結婚嘢﹐到而家都係好unreal... :S 開始約小學同學.... 終於的起心肝寫blog... 仲有嘢未執完架...再努力吧... 聽日見agent唔知點prep好呢.... 仲有﹐個電話又點好呢..... 好似好多嘢做但我又乜都唔做.... :S 無工返個人真係鈍d......
No comments:
Post a Comment