由檸檬到肥仔

4個月前嚴重黃膽嘅檸檬乾小朋友，今日已經係死肥仔一名！

婆婆嫲嫲都飛晒返加拿大，得返我同姐姐，終於可以放鬆吓。。。終於可以用自己嘅方法同小朋友相處。
我講過，佢哋嘅方法唔係唔啱，只係唔同，咁個仔係我嘅，用我嘅方法都好應該吖，我絕對唔係搞作對！！

婆婆飛前一日我'的'咗小朋友返公司，自己一個揸車，餵奶，換屎片，仲要食到lunch，小朋友又無喊，比個讚自己同達哥！婆婆就水皮啦，以為唔見咗身份證，第二日又要飛，喊晒咁打嚟求救。結果報失咗之後又揾返，哈哈哈，可惜太遲啦，都係要拎張新嘅。。。