五個月/一個星期

有人提醒咗我﹐已經五個月啦... 人人都問同樣嘅問題 - how are you holding up? 我好想問返佢哋﹐我可以點? 唔係要唔開心﹐唔係要頂嘴... 只係事實﹐唔通日日就淨係諗住有幾唔慣先叫做啱?! 我寧願利用而家有嘅時間去做多d自己想做嘅事~

非正式咁做咗個所謂Analyst一個星期啦﹐非正式係因為呢個title19號先正式生效﹐證實咗無人工加﹐唯有寄望bonus啦﹐哈! 每晚離開office我都頭痛 - 唔適應啩? 一路都知以前個位好hea﹐而家先真正體會到係有幾咁HEA! 不過係呢度應該真係會學到好多﹐仲有免費午餐:P 上個星期已經有兩個: IDA lunch + R痕Farewell lunch :) 同埋佢哋成日都買嘢食架﹐我要好節制先得!! 壓力係大咗﹐因為責任大咗... 但起碼仲可以出去食lunch﹐都算係咁! 只係做極都做唔完嘅工作﹐都唔知點解做黎做去都做唔晒﹐以前如果留得一晚7點真係可以第二日無嘢做架... 而家﹐每日7點前做到7點都做唔晒d 嘢.... 我諗﹐放低晒上面嘅工作嘅話應該會好d.... 但係﹐我會好唔捨得部blackberry...... :( 真係好有鐘動自己出返部自己用﹐不過我又好孤寒喎﹐唔知忍唔忍到手呢? :P

終於揾到惡作劇2吻嘅OST啦﹐超開心 :D

無聊到update咗個gpage.... 仲setup咗yblog.... 哈哈!