賓賓珊

成都地震﹐新聞報導一日比一日恐佈.... 唔知仲有幾多死/傷... 十萬個好彩爹爹果日臨時改變主意唔飛去成都! 如果唔係﹐佢落機果一刻﹐就係地震嘅時候.. 就算話個城市無乜事﹐都會好擔心.... 呢幾日都一路同佢保持聯絡﹐希望佢唔洗咁快又去成都啦! 我早兩日都捐耝少少錢去紅十字會﹐出點綿力吧~

講開錢﹐都為Project霖出咗少少錢﹐無辦法返去幫手﹐呢樣只係我唯一做到嘅事﹐我知道佢地會好比心機﹐我都好期待個成果 :)

今個星期無頭痛啦! 開始習慣吧.... 又可能係因為老細有3日唔係度﹐輕鬆好多 :P 放咗肥仔好多次飛機之後終於同佢食咗個lunch﹐佢塊面敏感好慘哦.... 希望會快d好返啦! 仲有仲有﹐yuiyui有工啦!! 仲要係佢嘅第一志願﹐超開心!! 唔洗再擔心﹐可以去玩啦 :D

呢期個個都去旅行﹐lur, r痕, 高妹, newbie, 2nd luv, va.... 上年我去得太多﹐而家到我被困屋企望住人地去啦.... :P

頭先去睇醫生﹐我果個同姓家庭醫生收咗工﹐唯有去附近嘅walk-in.... 個差差醫生以為我係賓賓 :P 乜我真係咁黑咩??? 不過佢好好人呀﹐肯去研究我個問題﹐仲主動提出話收我做佢patient... 佢weekend又開得耐d, 仲近屋企好多添! 所以約咗兩個禮拜後去做physical....

今個victoria day終於唔洗返工﹐係我畢業後第一次唔洗返victoria day!!!! 可惜﹐以前有人陪就要返﹐而家放假反而只係喺屋企發毛 :P 不過都有好多野做嘅... MCE, dessert, mic, pmp, docs, laundry, yoga.......