家務珊

星期日係家務日﹐又執咗一大袋垃圾出嚟.... 好多舊回憶 - 相﹐信﹐旅行紀念品... 成個下午就係永不消失的彩虹+回憶.... 決定掉乜唔掉乜都係用拎唔拎返香港做決定... 仲要分好拎走嘅就放埋一堆.... 好似真係就嚟走咁.... :P 但係執嚟執去都仲有好多"家爛度" (鄉下話﹐唔明就算啦~).... 點算﹐開始諗緊12月洗唔洗搬d唔等洗嘅返去先呢....? 仲要準備d行政嘢, 例如 transcript,銀行,等等..... 都話搬屋煩﹐搬去第已個國家仲煩! 之後再清潔埋沖涼房﹐好多頭髮... @@" 清潔完覺得乾淨咗好多 :D

星期一原本係無節目.... 但係老細比咗節目我.... 又要run reports.... @@" 但係我要肥伯伯幫忙﹐因為我真係唔知道條數點估出嚟.... 都做咗d嘢啦﹐準備聽日忙死...... 之後就整理電腦入面嘅files... 又係要執下乜要留乜要掉﹐同埋放去邊 - 就要拎個portable hd嘛﹐電腦就唔拎架啦.... 有人想迫我出手整餅﹐哈哈哈﹐揀錯日子啦﹐今日邊有地方開門比你買材料呢? 算吧啦﹐我買蛋糕比你已經好架啦 :P

我發覺﹐1點食lunch+5點食dinner係最好嘅combo.... 可惜只可以weekend先係咁.... 返工鬼比你5點食飯.....

肥仔﹐聽日生日快樂! 你係返工就請你食lunch啦~ :)

一個月啦﹐仲有個半月.... 呢d倒數嘅日子真係唔好過﹐相信之後再多一個長少少嘅倒數就唔洗再數啦啩....