過去果半個月

開始咗culinary arts﹐第一堂得個睇字同埋排隊買校服 - 但係無碼... 我哋係細粒﹐但係佢d碼真係大得恐佈﹐最細嘅XXXS都係大...... 講起套衫就氣頂﹐好啦無碼咩第二日黎過買囉﹐好整常人人都會打去問下有無貨先黎架啦﹐打咗3日電話﹐3日都同我講而家check唔到遲d再打過﹐到最後連我都發火﹐鬧咗果個人一餐 - 終於有個比較有建設性嘅答案﹐就係要我用自己張credit card上網買﹐去到拎嘅時候再refund用voucher俾錢.... 早d講咪唔洗晒大家時間又唔洗鬧人囉!!!! 套衫呢﹐我叫佢做bambi :) 有帽﹐褸﹐"睡褲"﹐ 頸巾﹐圍裙﹐同毛巾.... 樣樣都超級加大碼﹐著咗成個啊壽咁 :P btw﹐條睡褲真係好睡褲!! 講返上堂﹐有兩個老師﹐個佬好多無謂嘢講﹐好彩我哋被編去跟miss上堂 :) 第二堂做salad - italian pasta salad﹐佢哋唔洗菜架!!! 媽媽把刀好鈍﹐同學借咗刀比我用... 我係切番茄果陣係咁食個心﹐整好之後都係拎咗返工司比d腸胃強壯嘅同事幫我搞掂佢.... 第三堂係湯 - minestrone soup﹐今次磨咗都好好多啦﹐個湯都ok好飲﹐留咗一半比媽﹐佢竟然一次過飲晒.... @@" (pics @ picasa / facebook o)

工作嘛... 個市緊排點唔洗我講啦﹐一個 ML+AIG weekend﹐個個都損手爛腳... 之後就比SEC玩死﹐日日個ban list都轉﹐今日加10隻stock﹐聽日又拎走20隻.... 我哋有兩個list﹐日日就對對對﹐update/delete/insert........ @@" 仲有run唔完嘅report同埋個db好揀唔揀係要呢排有performance issue.... 每日老細就係... "雲先生﹐你個客今日又要cover幾多margin?? 小朋友(我)﹐個website搞乜鬼?!" 仲有上星期street-wide DTC delay - 由3點delay到8點﹐我哋d downstream processes 嗌救命﹐我都嗌救命呀........ 連續4日有路細請食lunch﹐可想而知個市有幾咁得人驚!! 仲有排搞點架﹐咁搞法﹐下年香港仲會唔會請我呢d人架..........

小巴小姐同我講﹐佢訂婚啦~~~~ 又一個﹐恭喜晒!!! :D 希望黎得切走之前飲你呢餐啦~ 講開 high school 同學仔﹐同我嘅好housemates 食咗兩次飯啦﹐下次又唔知幾時啦﹐佢又返去calgary.... J係海城返咗黎又食1咗個lunch﹐佢話聖誕搬返黎! :) 仲有有一晚放工同肥仔食飯﹐多謝你餐海鮮 - 好好味 :) 但係我都係好掛住帶子sashimi...........

同鄺氏夫婦行咗兩個 weekend 嘅街... 第一次呢﹐見佢哋之前同 yuiyuiyui 食 lunch﹐佢個 "high school date trip" 之後第一次見佢﹐見佢d 相玩得好開心呀﹐又relax﹐其實開心咪得囉﹐high school 唔 high school 唔係真係咁緊要嘅﹐總之follow your heart~ 我哋嘅話題﹐都離唔開某幾位男士啦.... 其實﹐一年拍6個星期拖都好丫~ 諗諗佢啦 :P 記得下次見完你另外個朋友先好見我!! 食lunch當然多嘢講﹐結果搞到鄺氏夫婦等咗我好耐... 之後去yorkdale撞到啊毛 + ken sir... 再之後返去嘗試整佢哋部電腦.... hardware我真係唔掂啦..... 結果好夜先食飯.... 多謝你哋陪咗我成日啦~ 第二次就係尋日﹐仲有VC+NC﹐行 eaton + queen st 呀﹐其實都有d 怪怪咁﹐做單丁人﹐不過佢哋個個都好傾﹐怪嘅時間都唔太多:P 最後去咗赤板食飯﹐比我見到高佬同女仔食飯﹐嘻嘻﹐不過佢見唔到我 :P 其實尋日出去係有原因嘅﹐做排媽無啦啦塞1張容祖兒演唱會飛﹐一張﹐點去呀... ?! 結果咁啱鄺生又有一張﹐佢東鄺太可以一齊去分開坐啦 :P

仲有就係個電話囉﹐聰明嘅佢第二次掉個電話落水.... 我係工司做都死下死下佢就打黎問我有無幫佢問出果部電話嘅事..... 除咗個煩字我無嘢好講.... 其實我知唔只呢樣﹐我一路以黎懷疑嘅事﹐雖然無同人講亦都唔想去證實﹐我只係戥人哋唔抵﹐所以佢嘅少少事我都好唔想插手﹐唔想知﹐唔想有任可關連... 嬲咩? 我唔知係唔係﹐某程度上我可以理解﹐但係﹐有無諗過第二個人嘅反應/感受? 好多時從你嘅反應我都覺得唔妥﹐佢呢? 你嘅事我唔想理﹐最好你就唔好再要求我去幫你..... 我只能對佢好d....

好多行政嘢做, hk passport / ca passport / health card / transcript.... 唔好咁懶啦珊!!!!!

(命中注定我愛你都幾好睇﹐隻便利貼歌好好聽呀~)